STATE OF HAWAII

OFFICE OF ELECTIONS

802 LEHUA AVENUE

 

 
PEARL CITY, HAWAII 96782

www.hawaii.gov/elections

 

KASURATAN ITI MAPASAMAK

ABSENTEE VOTING WENNO PANAGBUTOS A DIKAN MAPMAPAN ITI PRESINTO

 

ANIA TI ABSENTEE VOTING?

Ti Absentee voting (wenno panagbutos a dikan mapmapan iti lugar a pagbutosan wenno presinto) ket naaramid tapno ti panagbutos, agbalin a nalaklaka ken nanamnam-ay para kadagiti botante. Asino man a rehistrado a botante, mabalinna a kiddawen ti panagbutosna babaen itoy, iti uray ania kadagitoy a wagas:

1.                  Mapanka agbutos a personal

2.                  Babaen ti koreo

 

KASANO A MAKAPAGBUTOSAK BABAEN TI ABSENTEE BALLOT?

 

Mapanka Agbutos a Personal

 

Addanto maituding a pagbutosan para iti absentee voting iti mismo nga opisina dagiti maseknan a clerk, ken mabalin nga addanto pay maituding iti sabsabali pay a lugar babaen ti panangpili ti clerk kas sagudayen dagiti probision a nailanad kadagiti pagalagadan nga inadaptar ti Chief Election Officer.

 

Dagiti aldaw a naituding a panagbutos para iti personal a panagbutos iti babaen ti Absentee Voting:

 

                        2008 Eleksion Primaria:                   Setiembre 8 – 18, 2008

                        2008 Eleksion Heneral:                    Oktubre 21 – Nobiembre 1, 2008

           

Tawagan wenno kaumanyo ti City/County Clerk a makasakup iti lugar a pagnaedanyo ket ammuenyo kenkuana dagiti lokasion wenno no sadino ti ayan ti Absentee Polling Place.

 

            Babaen ti Koreo

 

Iti panagbutos babaen ti koreo, nasken a maaddaanka iti absentee ballot (wenno balota a pangisuratam no asino ti/dagiti butosam ket saanen a nasken a mapanka iti lugar a pagbutosan). Tapno maikkanka iti kastoy a balota wenno Absentee Ballot, mabalin nga aramidem ti maysa kadagitoy:

 

·         Agsuratka iti City/County Clerk a nakarehistruam kas botante.

·         Mangisubmitirka iti Aplikasion para iti Absentee Ballot.

 

1.      Nasken a maibuson ti surat ken maiturong iti City/County Clerk ken masapul a nailanad ditoy dagiti sumaganad:

·         Ti naganmo kas rehistrado a botante

·         Ti adresmo kas rehistrado a botante]

·         Aldaw a pannakayanak

 

·         Social Security Number

 

·         No ania nga eleksion ti panggepmo a pagbutosan babaen ti Absentee Voting

 

a.      Primaria

b.      Heneral

c.      Primaria ken Heneral

 

·         Ti adres a kayatmo a pakaipatulodan ti balota (para iti tunggal eleksion a pagkidkiddawam iti balota para iti Absentee Voting) no sabali ngem iti nairehistro nga adresmo.

 

·         Ti pirmam

 

Tandaanan Daytoy: No ti absentee ballot ket kiniddaw ti maysa a tao para iti sabali a tao (kas pagarigan ti asawa a babai ket agkiddaw iti balota para iti asawana), ti surat ket masapul nga iramanna dagiti impormasion a nadakamat iti ngato ken pirmaan amin dagiti agkidkiddaw kadagiti balota.

 

2.      Dagiti aplikasion para kadagiti Absentee Ballots ket masapul a maipatulod babaen ti koreo iti City/County Clerk iti masakupanyo a lugar. Maala dagiti aplikasion iti ania man kadagitoy a lugar:

 

·         City/County Clerk’s Offices

·         Hawaii State Libraries

·         Office of Election’s website—mabalin nga i-download ditoy ti aplikasion

·         Satellite City Halls

·         State agencies

·         U.S. Post Offices

 

Ti Hawaii Revised Statutes § 15-4 ituyangna ti sumaganad:

 

“…Ania man a maikoreo a kiddaw para iti absentee ballot ket masapul a maikoreo a diretso iti clerk.”

 

Idatag a mismo ti nakompleto wenno napil-apan nga aplikasion iti Opisina ti bukodyo a City/County Clerk di nasapsapa ngem 60 nga aldaw ngem iti di naladladaw ngem 7 nga aldaw sakbay ti eleksion.

Dagiti Absentee Applications ken kiddaw ket maawat manipud iti Hulio 22, 2008 agingga iti:

 

                        2008 Eleksion Primaria:       Sabado, Setiembre 13, 2008

                        2008 Eleksion Heneral:        Martes, Oktubre 28, 2008

 

Nayon a Pakaammo:

·         No bilang ta namnamaem a sumangpet ti balotam iti adres nga intedmo a pakaipatulodanna sakbay ti isasangpetmo iti dayta met laeng nga adres, tsekam wenno ikkam iti marka a tsek ti kahon a namarkaan iti “Hold for Arrival” iti “Application for Absentee Voter Ballot.”

 

·         Amin nga absentee ballots ket masapul a maawat ti clerk a nangited kadagiti balota iti di naladladaw ngem iti panagserra ti panagbubutos iti aldaw ti eleksion.

 

 

No adda pay kayatyo a maammuan wenno malawlawagan, mabalinyo a kauman ti City/County Clerk a makasakup iti lugaryo:

 

            City and County of Honolulu                           County of Kauai

            530 South King Street                                     4396 Rice Street, Rm. 106

            Honolulu, Hawaii 96813                                  Lihue, Hawaii 96766

            Telepono: 523-4293                                        Telepono: 241-6350

 

            County of Maui                                                County of Hawaii

            200 South High Street, Rm. 708                     25 Aupuni Street, Rm. 105

            Wailuku, Hawaii 96793                                   Hilo, Hawaii 96720

            Telepono: 270-7749                                        Telepono: 961-8277

 

 

 

 

Daytoy a Factsheet ket nairanta laeng a pangimpormar wenno pangilawlawag a saan ket a agbalin nga autoridad maipanggep iti paglintegan ti eleksion ken deadlines iti Hawaii. Dagiti kasapulan wenno rekisito ken/wenno deadlines ket mabalin nga agbaliw no adda met panagbaliw ti paglintegan. Para iti ad-adda pay detaliado ken hushusto a rekisito, konsultaen ti Hawaii Revised Statues ken dadduma pay a mabalin a pangalaan iti mainaig nga impormasion.

 

Office of Elections

802 Lehua Avenue

Pearl City, Hawaii 96782

Telepono: 808-453-VOTE (8683)

Kadagiti Isla iti Ruar ti Oahu (Toll Free): 1-800-442-VOTE (8683)

TTY: 808-453-6150

Kadagiti Isla iti Ruar ti Oahu (Toll Free): 1-800-345-5915

 

Internet: www.hawaii.gov/elections

 

 

 

 

 

 

Office of Elections – FSVS500J

Naatur idi Mar. 2008