STATE OF HAWAII

OFFICE OF ELECTIONS

802 LEHUA AVENUE

 

 
PEARL CITY, HAWAII 96782

www.hawaii.gov/elections

 

KASURATAN ITI MAPASAMAK

DAGITI UNIPORMADO KEN SITISEN NGA ADDA ITI BALLASIW-TAAW

 

Ti panggep ti Uniformed and Overseas Citizens Absentee Voting Act (UOCAVA) ket isu ti panangpalubosna kadagiti adda iti unipormado a serbisio ken dagiti sitisen wenno makipagili iti America nga adda iti ganggannaet a pagilian nga agbutos babaen ti absentee ballot iti primary, general, ken special elections para kadagiti takem a Federal (Federal offices), ken ti pannakaiplubos dagitoy nga indibidual a mangusar iti makuna a Federal write-in absentee ballot (FWAB) iti General Election para kadagiti takem a Federal.

 

Dagiti sitisen iti America nga agindeg iti ballasiw-taaw ket isuda dagiti agindeg iti asino man a lugar malaksid kadagiti estado ti U.S., ti District of Columbia, ti Commonwealth of Puerto Rico, Guam, ti Virgin Islands, ken ti American Samoa.

 

Ti “absent uniformed services” ket isu ti:

 

·         Kameng ti uniformed service nga adda iti active duty a mairananto nga awan iti lugar a pagnaedanna inton panawen ti eleksion ket iti kasta, dinto makapagbutos iti lugarna.

·         Kameng ti merchant marine a gapu iti panagserbina iti merchant marine ket awanto iti lugar a pagnaedanna inton panawen ti eleksion ket iti kasta, dinto makapagbutos iti lugarna.

·         Ti asawa wenno dependent ti asino man nga adda iti active duty a uniformed services citizen nga awanto iti lugarna inton panawen ti eleksion, iti kasta, dinto makapagbutos iti lugarna.

 

Ti “overseas citizen” ket isu ti:

 

·         Maysa nga absent uniformed services citizen a gapu iti kaaddana iti active duty ket awanto iti Estados Unidos iti aldaw ti eleksion.

·         Maysa nga indibidual nga agnaed iti ruar ti Estados Unidos ken kualipikado nga agbutos iti kaudian a lugar a nagnaedanna sakbay a rimmuar wenno pimmanaw iti Estados Unidos.


·         Maysa nga indibidual nga agnaed iti ruar ti Estados Unidos ken kualipikado nga agbutos iti kaudian a lugar a nagnaedanna sakbay a rimmuar wenno pimmanaw iti Estados Unidos (mairaman ditoy dagiti residente a temporario nga agnaed iti ruar ti Estados Unidos ngem nagtalinaed a kualipikado nga agbutos iti amin nga eleksion iti federal, estado, ken lokal); wenno

·        Maysa nga indibidual nga agnaed iti ruar ti Estados Unidos ken (ngem gapu iti dayta a panagresidensiana) ket kualipikado koma nga agbutos iti naudi a lugar a nagnaedanna sakbay a pimmanaw wenno rimmuar iti Estados Unidos (para kadagiti takem a federal laeng).

 

 

 

PANAGREHISTRO KEN ABSENTEE VOTING

 

Asino man a di pay nakarehistro ket mabalinna ti agrehistro babaen ti koreo. Tapno makapagrehistro a botante, ti aplikante ket masapul nga ikoreona ti nakompletona a Federal Post Card Application (FPCA) iti makasakup kenkuana a County Clerk, ket masapul a maawat ti County Clerk daytoy iti di naladladaw ngem 30 nga aldaw sakbay ti eleksion. Ti absentee ballot ket mabalin metten a maigiddan a makiddaw. Ti Section 102 ti Uniformed and Overseas Citizens Absentee Voting Act (42 U.S.C. 1973ff-1) ket naamendaran ket itoy a pannakaamendarna, ibilinna kadagiti counties ti panangimpormarda iti tunggal botante nga absent uniformed services ken iti tunggal botante nga adda iti ballasiw-taaw a nagisubmitir iti aplikasion wenno nagkiddaw tapno maikkan iti absentee ballot, ket ibagada ti rason no apay a narediek wenno di naaprobaran ti panagrehistroda a botante wenno ti kiddawda a maikkanda iti absentee ballot.

 

Ti Estado ket ikkanna iti absentee ballot ti botante  iti tunggal eleksion para iti 2 a regular ti pannakayeskediulna nga eleksion heneral para iti takem a federal (Federal Office).

 

Panagaplay iti ken Panagbutos Babaen ti Absentee Ballot

 

Ti asino man nga indibidual a rehistradon a botante ket mabalinna ti agkiddaw iti absentee ballot babaen ti panangipatulodna babaen ti koreo iti nakompleto nga FPCA iti County Clerk a makasakup iti lugarna. Masapul a maawat ti County Clerk ti aplikasion iti di naladladaw ngem pito (7) nga aldaw sakbay ti maysa nga eleksion.

 

Dagiti absentee ballots ket maipatulod babaen ti koreo iti agarup 35 nga aldaw sakbay ti maysa nga eleksion. Masapul a maawat ti County Clerk dagiti nabutosan a balota agingga iti panagserra dagiti presinto wenno pagbutosan iti aldaw ti eleksion. Para iti nayon nga impormasion, makiuman iti:

 

Federal Voting Assistance Program (FVAP)

Toll-Free Ombudsman iti Estados Unidos

Telepono: 1-800-438-VOTE (8683)

Website Address: www.fvap.ncr.gov

E-mail: vote@fvap.ncr.gov

 

 


DAGITI VOTING ASSISTANCE OFFICERS ITI HAWAII UNIT

 

Ti sumaganad ket isu dagiti nagan ken numero ti telepono dagiti Unit Voting Assistance Officer a mabalinyo a kauman para iti nayon nga impormasion:

 

Sanga ti Serbisio

Voting Assistance Officer

Numero ti Telepono

AIR FORCE

Hickam AFB

 

Ms. Agnes Borbely

 

449-6363

 

ARMY

Schofield Barracks ken

Fort Shafter

 

Ms. Betty Stevenson

 

438-8678

COAST GUARD

Ms. Susan Matsudo

541-2283

 

MARINE CORPS

MARFORPAC

 

Kaneohe Marine Corps Base

 

SSgt. Jesus Ramos

 

Mr. Joseph Thomas

 

477-8361

 

257-8809

 

NAVY

Navy Region Pearl Harbor

 

Mid Pacific Command

 

Lt. Ed Korman

 

Lt. Carmel Tomlinson

 

 

473-5023

 

473-1625

 

 

Daytoy a Factsheet ket nairanta laeng a pangimpormar wenno pangilawlawag a saan ket a agbalin nga autoridad maipanggep iti paglintegan ti eleksion ken deadlines iti Hawaii. Dagiti kasapulan wenno rekisito ken/wenno deadlines ket mabalin nga agbaliw no adda met panagbaliw ti paglintegan. Para iti ad-adda pay detaliado ken hushusto a rekisito, konsultaen ti Hawaii Revised Statues ken dadduma pay a mabalin a pangalaan iti mainaig nga impormasion.

 

Office of Elections

802 Lehua Avenue

Pearl City, Hawaii 96782

Telepono: 808-453-VOTE (8683)

Kadagiti Isla iti Ruar ti Oahu (Toll Free): 1-800-442-VOTE (8683)

TTY: 808-453-6150

Kadagiti Isla iti Ruar ti Oahu (Toll Free): 1-800-345-5915

 

Internet: www.hawaii.gov/elections

 

 

 

Office of Elections – FSVS516I

Naatur idi 01/2008