STATE OF HAWAII

OFFICE OF ELECTIONS

802 LEHUA AVENUE

 

 
PEARL CITY, HAWAII 96782

www.hawaii.gov/elections

 

KASURATAN ITI MAPASAMAK

PANAGREHISTRO TI BOTANTE

 

ASINO TI MAPALUBOSAN NGA AGREHISTRO NGA AGBUTOS?

 

Sagudayen ti Konstitusion ti Estado ti Hawaii, Artikulo II, Seksion 1, ti agaplay nga agrehistro a botante, masapul a matun-oyanna dagitoy a kualipikasion:

 

1.      Sitisen wenno makipagili iti Estados Unidos

 

Dagiti indibidual wenno tattao a nayanak iti Guam, Puerto Rico, iti U.S. Virgin Islands ken iti Commonwealth of the Northern Marianas kalpasan ti Nobiembre 1986 ket maibilang a U.S. citizens wenno makipagili iti Estados Unidos.

 

Saan a kualipikado nga agbutos dagiti U.S. Nationals (dagiti tattao a maibilang nga Amerikano ngem awananda iti American citizenship wenno saanda a sitisen iti America) kas kadagiti indibidual a nayanak iti American Samoa (malaksid no dagitoy ket natural born wenno nayanakda iti teritorio ti Estados Unidos, wenno ti uray maysa laeng kadagiti nagannakda ket U.S. citizen; wenno isuda ket naturalized U.S. citizen).

 

2.      Residente iti Estado ti Hawaii

 

Tapno makapagrehistro para iti panagbutos ken para iti amin nga aramid a mainaig iti eleksion, ti maysa a residente ket nasken a mangmantiner iti residensia wenno pagnaedanna iti Estado ti Hawaii ken masapul nga iti panawen ti panagrehistro ket adda panggepna a mamagbalin iti Hawaii a kas permanente a pagnaedanna.

 

3.      Agtawen iti di nakurkurang ngem sangapulo ket walo.

 

Masapul nga agtawen iti 18 iti kaaldawan ti eleksion tapno makapagbutos.

Ti Hawaii Revised Statutes (HRS) §11-12 ket palubosanna ti maysa nga indibidual a di pay kualipikado nga agrehistro ngem agtawenen daytoy iti di nakurkurang ngem sangapulo ket innem nga agrehistron a nasapsapa (pre-

register) apaman nga adda maipakitana a pammaneknek a kasta ti tawenna ket inton agtawenen daytoy iti sangapulo ket walo, automatikonton a mairehistro a kas botante.

 

 

PAKAAMMO KADAGITI AGDADAMO A BOTANTE NGA AGREHISTRO TAPNO AGBOTOS BABAEN ITI KOREO:

 

No dakayo ket (1) agrehistro tapno agbotos iti umuna a gundaway iti Estado ti Hawaii; ken (2) ibuson daytoy a Sapata iti Aplikasyon para iti Panagrehistro ti Botante (Affidavit on Application for Voter Registration), ibilin ti pederal a linteg (42 U.S.C. § 15483) a mangted kayo iti pammaneknek ti kinasiasinoyo. Maibilang kas pammaneknek ti kinasiasino ti kopya ti:

  • Agdama ken mabalin a maawat a ladawan ti kinasiasino, wenno
  • Agdama a kasuratan dagiti babayadan a serbisyo iti pagtaengan (utility bill), kasuratan ti bangko (bank statement), tseke ti gobierno, tseke a suweldo wenno dokumento ti gobierno a nakailanadan ti naganyo ken pagtaenganyo (address).

 

No saan yo nga ited dagiti kasapulan a pammaneknek ti kinasiasinoyo a kadua daytoy nga Affidavit on Application for Voter Registration, nasken nga itedyonto dagitoy iti lugar a pagbotosanyo, wenno kadua ti ibusonyo a balota yo kas absentee voter.

 

OFFICE OF HAWAIIAN AFFAIRS (OHA) REGISTRATION ELIGIBILITY

 

Kas sagudayen ti pangngeddeng ti U.S. Supreme Court iti kaso a Rice v. Cayetano, amin a rehistrado a botante ket kualipikado nga agbutos kadadgiti eleksion iti OHA.

 

NO BALIWAM TI AGPAREHISTRO

 

Asino man a rehistrado a botante nga umakar iti pagnaedan manipud iti maysa a presinto wenno county ket mapan iti sabali, pakaammuanna ti clerk ket baliwanna ti rehistrasionna  iti umiso a presinto wenno county kas maikanatad iti naituding a deadline wenno panaggibus ti panagparehistro.

 

Mapalubosanka a mangpabaliw iti rehistrasionmo no:

 

1.      Legal a pinabaliwam ti naganmo.

 

2.      Immakarka manipud iti naudi nga eleksion ket ti residensiam wenno pagnaedam, addan iti sabali a lugar wenno lokasion iti Estado ti Hawaii.

 

3.      Binaliwam ti mailing addressmo wenno ti adres a pakaiturongan dagiti suratmo iti Estado ti Hawaii sipud pay iti napalabas nga eleksion.

 

KASANO NGA AGPAREHISTROKA MANEN?

 

Mangalaka iti porma a managan iti Apidabit iti Aplikasion para iti Panagrehistro a kas Botante wenno iti Ingles, isu ‘tay maawagan iti “Affidavit on Application for Voter Registration,” iti sadino man kadagitoy:

·         City/County Clerk’s Offices

·         Hawaii State Libraries

·         Iti website ti Office of Elections – download format

·         Satellite City Halls

·         State agencies

·         U.S. Post Offices

·         Yellow pages ti phone directory

 

Ti “Affidavit on Application for Voter Registration” ket maysa a nasapataan a kasuratan a naglaon kadagitoy sumaganad nga impormasion:

 

1.      Nagan

2.      Social security number

3.      Petsa ti pannakayanak

4.      Residensia wenno pagnaedan, a pakairamanan ti adres a pakaiturongan ti surat (mailing address)

5.      A ti residensia wenno pagnaedan a nainalad iti apidabit ket saan laeng a tapno maibaga nga adda ti nasao nga indibidual iti Estado no di ket naalana dayta a residensiana gapu iti panggep a pagbalinenna ti Hawaii a kas legal a pagnaedanna a kakuyogna dagiti amin nga obligasion ti maysa a makipagnaed.

6.      A dayta nga indibidual ket maysa a sitisen wenno makipagili.

7.      Kalpasan a makompleto wenno mapil-apan ti aplikante ti abidabit, pirmaanna ti nasao nga apidabit.

 

 

MAUDI NGA ALDAW TI PANAGPAREHISTRO ITI 2008

 

                        Eleksion Primaria:    Agosto 21, 2008

                        Eleksion Heneral:     Oktubre 6, 2008

 

SADINO TI PANGIDATAGAK ITI NAKOMPLETOK NGA “AFFIDAVIT ON APPLICATION FOR VOTER REGISTRATION”?

 

Dagiti nakompleto wenno napil-apan nga “Affidavits on Application for Voter Registration” ket maisubmitir iti bukodyo a City/County Clerk.

 

            City and County of Honolulu               County of Kauai

            530 South King Street                         4396 Rice Street, Rm. 106

            Honolulu, Hawaii 96813                      Lihue, Hawaii 96766

            Telepono: 523-4293                            Telepono: 241-6350

 

            County of Maui                                    County of Hawaii

            200 South High Street, Rm. 708         25 Aupuni Street, Rm. 105

            Wailuku, Hawaii 96793                       Hilo, Hawaii 96720

            Telepono: 270-7749                            Telepono: 961-8277

 

 

CLASS C A PANAGBASOL

 

Sagudayen ti HRS § 19-3.5, ti maysa a tao a mangiranta nga agilanad iti palso nga impormasion iti voter registration affidavit ket mabalin nga agbasol iti makuna a Class C felony wenno Class C a panagbasol, a ti dusa daytoy ket pannakaibalud iti agingga iti lima (5) a tawen ken/wenno pannakamulta iti $10,000.

 

 

Daytoy a Factsheet ket nairanta laeng a pangimpormar wenno pangilawlawag a saan ket a agbalin nga autoridad maipanggep iti paglintegan ti eleksion ken deadlines iti Hawaii. Dagiti kasapulan wenno rekisito ken/wenno deadlines ket mabalin nga agbaliw no adda met panagbaliw ti paglintegan. Para iti ad-adda pay detaliado ken hushusto a rekisito, konsultaen ti Hawaii Revised Statues ken dadduma pay a mabalin a pangalaan iti mainaig nga impormasion.

 

Office of Elections

802 Lehua Avenue

Pearl City, Hawaii 96782

Telepono: 808-453-VOTE (8683)

Kadagiti Isla iti Ruar ti Oahu (Toll Free): 1-800-442-VOTE (8683)

TTY: 808-453-6150

Kadagiti Isla iti Ruar ti Oahu (Toll Free): 1-800-345-5915

Internet: www.hawaii.gov/elections

 

 

Office of Elections – FSVS517M

Naatur idi 03/08