Panid a Pagpatulongan iti Pagsapul iti Lugar a Pagbutosan

Ania ti Lugar a Pagsapul iti Lugar a Pagbutosan?

Ti Pagsapul iti Lugar a Pagbutosan ('Polling Place Locator') ket tulonganna dagiti rehistrado a botante iti Estado ti Hawaii a mangsapul iti lugar a rumbeng a pagbutosanda itoy nga Eleksion Primaria ken Heneral iti 2014. Tapno masapulam ti Lugar a Pagbutosam babaen ti panangusarmo iti kompiuter a pagsapul, nasken nga addaka iti listaan dagiti rehistrado a botante iti Estado ti Hawaii. Mabalinmo ti mangala, babaen ti kompiuter, iti pormulario ti pagrehistruan ti botante wenno mabalinmo nga ammuen no sadino ti pangalaam itoy babaen ti panangsarungkarmo iti http://hawaii.gov/elections .

Ti Pagsapul iti Lugar a Pagbutosan ket itedna pay kenka dagiti dadduma nga impormasion a kas kadagitoy: dagiti distrito politikal, dagiti ladawan, langa dagiti balota para iti tunggal lugar a pagbutosan.

Panagsapul babaen ti panagusar iti Nagan ken PTP

Iserrekmo ti nagan ken ti petsa ti pannakayanak sa pindotem ti buton a Sapulem ('Search'). No awan ti makitam a kapadpada ti inserrekmo, padasem a kissayan iti sumagmamano a letra iti kutit ti nagan ken/wenno kitaem no biddut ketdi ti pannakaisurat ti inserrekmo.

Ti panagsapul babaen ti panagusar iti nagan ket maibasar iti naganmo nga agparang iti apidabitmo iti Rehistrasionmo kas Botante (kas iti WikiWiki Voter Registration Form wenno WikiWiki Pormulario iti Rehistrasion kas Botante). 

Ti PTP (petsa ti pannakayanak) ket masapul nga adda iti kastoy a langa ti pannakaisurat: “mm/dd/yyyy” (ti bulan, ken ti petsa, sagduduada iti numero; ti tawen, uppat a numero, iti panagsasaganadda)

No iti pammatim ket maysaka a rehistrado a botante iti Estado iti Hawaii, ngem dimo masapulan ti Lugar a Pagbutosam babaen ti panangusarmo itoy a disso ('site') iti kompiuter, tumawagka koma iti Opisina dagiti Eleksion (Office of Elections) iti (808) 453-8683 wenno iti kaarruba nga isla iti, mabalinmo ti tumawag a libre iti (800) 442-8683. Palagip: mabalin nga itoy a kanito, dimo pay la makita ti naganmo itoy a disso ('site') gapu ta nabiitka pay a nagrehistro a kas botante.

Panangkita iti Impormasion Maipanggep iti Maysa a Lugar a Pagbutosan

Nupay mabalinmo a kitaen dagiti impormasion maipanggep iti Lugar a Pagbutosan iti ania man kadagiti 232 a lugar a pagbutosan iti sibubukel nga estado, ti laeng panagsapulmo babaen ti pangiserrekmo iti naganmo ken iti petsa ti pannakayanakmo iti kompiuter ti makaibaga kenka no sadino ti pagbutosam kadagiti kaaldawan dagiti eleksion.

Ti Kangatuan a Bilang a Maipalubos iti Agsasaruno a Panagsapul ken Panangbuya Kadagiti Retrato (10 iti tunggal maysa)

Adda pagpatinggaan ti kaadu ti agsasaruno a panagsapulmo. Sabali met ti naituding a pagpatinggaan ti kaadu ti bilang wenno gundaway a panangbuyam kadagiti ladawan dagiti Lugar a Pagbutosan. Maaramid daytoy tapno makainuttayo kadagiti masapsapul iti pannakaidanon daytoy a serbisio kadagiti botante; iti kasta, maaddaan met iti gundaway dagiti sabsabali a mangusar iti serbisio a maidanon babaen ti Internet. No nadanonmon ti kangatuan a bilang ket kayatmo ti agsapul iti ad-adu pay ken agbuya pay kadagiti ladawan, iserram amin a linuktam ket agsublika iti Pagsapul iti Lugar a Pagbutosan ('Polling Place Locator') sa rugiam manen ti agsapul.

Pagsapul kadagiti Impormasion babaen ti Internet wenno 'Web Browser' (Internet Explorer, Firefox, Safari, kdp.).
Napagandar wenno na-'enabled' ti Javascript.
Masapul a pagbalinem a di mapaandar dagiti mangtiptiped iti panagruar dagiti anunsio (i-'disable'-mo dagiti 'popup-blockers').
Intsek ken Hapon a pagsasao a font ket masapul nga ipakat iti systemayo a husto tapno makitayo ti balota iti dagitoy a pagsasao ( City ken County iti Honolulu laeng).
Iti Adobe Reader ket masapul tapno makitayo iti balota.

 

 

 
You Are Here: Home » Information » PPL » Tulong iti Pagsapul iti Lugar a Pagbutosan ('Polling Place Locator Help')